Herriarteko Txapelketan Lekunberrin jokatuko du gaur Goizuetak, 10:00etan hasita. Aurreko asteburuan 3-1 irabazi zuen Esteribarren kontra; Joanes Apezetxea eta Beñat Apezetxea alebinek 18-13 irabazi zuten; Aitor Aizkorbe eta Antton Apezetxea infantilek, 18-5; eta Iker Salaberria eta Jonni Salaberria jubenilek 22-17. Jon Zabaleta eta Ekaitz Narbarte seniorrek, berriz, 12-22 galdu zuten. Bestalde, Añorgan jokatuko dute gaur 16:00etan hasita Aizkorbe eta Apezetxeak, Alegiren kontra, Jolas Etxea Txapelketan, eta bihar, 09:00etatik aurrera, San Miguel txapelketan ariko dira Oliten, Salaberria-Salaberria eta Legarreta-Salaberria benjaminak.