Mahai ingurua gaur Biterin, lau alkategairekin

Herriko hainbat talde eta era­gilek antolatuta, mahai in­gurua egingo da gaur, 19:00e­tan Biterin, Hernaniko alka­te­gaiak ezagutu eta galderak egin ahal izateko.
Datozen maiatzaren 24ko hauteskundeetan, bost alder­dik aurkeztuko dute hauta­gai­tza Hernanin: EH Bilduk, EAJ-PNVk, PSE-EEk, PPk eta Orain Hernanik! Horietatik, lau al­der­­ditako alkategaiek hartuko du­te parte gaur: Luis Intxaus­pek (EH Bildu), Andoni Amo­na­rraizek (EAJ-PNV), Ricardo Cres­pok (PSE-EE) eta Jaione Aristregik (Orain Hernani!).

Hiru galdera erronda
Mahai inguruak bi ordu in­gu­ru iraungo du, eta hiru erron­da­tan egingo dira galderak: au­rre­nekoan, elkarteen txan­da izango da; bigarrenean, pu­bli­koarena; eta hiruga­rre­ne­an, herritarrek Biterin jarri­ta­ko buzoian utzi dituzten gal­de­rak egingo dira. Galderak edozein hizkuntzatan egin ahal izango dira, interpretea egon­go baita, euskeraz, gazte­le­raz eta zeinu hizkuntzan aritzeko.

Antolatzaileen zuzenketa
Mahai ingurua antolatu du­ten elkarteek, hau da, Stop De­sahucios, Koxka elkartea, Duin­tasuna, Lizegako Auzoko elkatea, Sorgintxuloko Auzo elkartea, Gazte Asanblada, Es­kubide Sozialen Karta, Kaxko elkartea eta Doberak, argitu nahi dute Hernani Zero Zabor taldea ez dagoela antolatzai­le­en artean. Komunikabideei bidali zitzaien informazioan akats baten ondorioz, Hernani Zero Zabor taldea azaldu da antolatzaile zerrendan. Anto­latzaileek barkamena eska­tzen dute eragozpenagatik.