Jon Pache perkusiojole hernaniarrak erdi-mailako musika ikasketak bukatu berri ditu Donostiako Kontserbatorioan, eta Musikeneko sarrera proba prestatzen ari da. Proba horretan oinarritutako kontzertu berezia emango du, 18:30etan Milagrosan, Xabier Oruesagasti saxofoi-jolea eta Jon Viejo tronpetajolearekin batera. Azken hauek ere Musikenerako sarrera proba prestatzen ari diren bi ikasle dira. Hauekin batera Javier Perez de Azpeitia eta Arkaitz Mendoza pianojole profesionalak ariko dira.