«Milimetro erdira ere ez dira iristen onddo batzuk, eta asko pilatuta egon arren, mantxa bat bakarrik nabaritzen duzu. Baina kamara on batekin, oso ondo ikusten dira», kontatzen du Benjamin Fuentes mikologoak. Hain justu, onddoen argazki erakusketa jarri du Rufino tabernan, eta hilabetez egongo dira ikusgai.
«Erakutsi nahi dut, onddoen mundua oso konplexua da, eta oso beharrezkoak direla, haiek gabe mendia hila dago», dio Fuentesek.
«Onddoetarako, egur hila oso interesgarria da»
Aragoiko Pirinioetan egin ditu argazkiak: «gaixotasunak dituzten zuhaitzetan jaiotzen dira onddo gehienak. Jakin behar da non bilatu, eta egur hila oso interesgarria da horretarako», nabarmendu du mikologoak.