Aurten ere abiatu du #ESKUTIKeskura kanpaina Errigorak, Nafarroako hegoaldeko euskalgintzari bultzada emateko. Hango kontserba loteak prestatu dituzte, orburu, piper, zainzuri, potxa eta abarrekin, eta ekoizleen jatorrizko prezioan daude eskuragarri, baita Hernanin ere.
Produktu sorta nahi duenak, egunotan egin behar du eskaera, maiatzaren 26ra arte. Bi bide jarri dituzte, horretarako: Gure Esku Dagoren (Andre kale 41, behea) edo AEKren (Larramendi 11, behea) lokaletara joan eta eskuorria bete; edo Errigoraren web orrian sartu eta eskaera egin.
Loteak jasotzeko, ekainean
Eskatutako lote guztiak, Gure Esku Dagoren lokalean jaso beharko dira, ekainaren 9tik 11ra: 11:00etatik 13:00etara, eta 17:00etatik 19:00etara.
Helburua, «euskera ofiziala ez den zonaldean eragitea»
Kanpainak Nafarroako hegoaldea dauka ardatz, eta helburua da «euskera ofiziala ez den eremuan eragitea». Horretarako, bertako produktuei bidea eman nahi diete Euskal Herrian, «euskeratik, euskerarako eta euskeraz».
Asmo horrekin, sare zabal bat osatu dute: herritar, nekazari, ekoizle, kontsumitzaile...