San Isidro jaiak ospatu dira asteburu honetan, Zamalbide-Bentak auzoan, eta giro ederra izan da nagusi. Astigarragako Emarri taldeak, gainera, festari ginda jarriz, Perurenako Emakumeen Giza Proba Txapelketa irabazi zuen. 42 plaza eta 47 cm egin zituen. Ibarrak 41 plaza egin zituen eta Zeanurik, 36 plaza, zinta 1 eta 50 cm. Haur eta gazteen eguna izan zen larunbatean eta jubilatuena, igandean. Ekintza ugarirekin gozatu dute: jolasak, puzgarriak, txokolatada, bertsolariak, bazkaria, herri kirolak...