Munduko Beat eta Oreka TX, aurtengo edizioan

Berriro ere martxan dago Txalaparta Festa; aurtengoa, 29garren edizioa izango da.
Larunbata izango da festa egun haundia, baina hainbat gauzarekin gozatu ahal izango da aurretik.

Argazki erakusketa
Hasteko, Aitzol de Karlos ar­gaz­kilariaren argazki era­kus­keta ikusi daiteke, dagoeneko, Joxe Mari Tabernan. Larun­batera arte bertan izango dira Egurrezko bihotza izenburu­pean bildutako argazkiak.

Sarrerak salgai, ostiralerako
Hurrengo ekitaldia ostiralean izango da; Munduko Beat talde madrildarrak kontzertua emango du, 19:30etan Biterin, eta sarrerak salgai daude Biterin bertan, 6 eurotan.
Talde honek etno-elektro­jazz estiloko musika jotzen du; txalaparta, Dj Cheff, flauta tra­besera, edota perkusio kuba­tarra nahasten ditu.

Bazkaria eta festa
Aste osoko egun haundiena, berriz, larunbata izango da. Txalaparta erromeria egingo da 12:00etan hasita, eta Her­na­ni Musika Eskolako alboka, dul­tzaina, trikitixa eta txistu ikas­leak aterako dira jotzera; txalaparta saio libreak ere ikusi ahal izango dira. 14:30e­tan, berriz, herri baz­ka­ria egin­go da, eta arratsaldeko 17:00e­tan Euskal Herri osotik etorritako txalapartariak ari­ko dira jotzen; tartean, Oreka TX.
Bukatzeko, 23:00etan Txa­la­parta Party Aparta emanal­di­a izango da Atxur tabernan.