Bukatu da Gipuzkoako Bertsolari Txapelketako sailkapen faseko aurreneko buelta; atzo jokatu zen, goiz eta arratsalde, Hernanin, etxekoak tartean.
Goizeko saioa Jon Maiak irabazi zuen 305,5 punturekin. Segidan sailkatu ziren: Haritz Casabal 300,5 punturekin, Unai Gaztelumendi 300ekin, Arnaitz Lasarte 292rekin, Joseba Lasagabaster 272rekin, eta Manex Astigarraga 260,5ekin.
Arratsaldeko saioan, berriz, Ane Labaka nagusitu zen 250 punturekin, eta jarraian sailkatu ziren: Josu Oiartzabal 241 punturekin, Oier Iurramendi 240rekin, Nahikari Gabilondo 237rekin, Ane Zuazubiskar 225ekin, eta Aitzol Iturbe, 219,5ekin.
Sailkapen faseko bigarren buelta falta da, eta oraingoz, Asier Azpiroz, Hernaniko Eskolakoa da aurrena, (319 puntu).