Udaberri Kontzertu berezia prestatu dute herriko bi taldek, bat eginda; Hernasax saxofoi taldeak eta Hernaniko Musika Bandak.
Eguraldiak askorik laguntzen ez duenez, kontzertua Milagrosa kaperan izango da, 12:30etan.
Bi pieza, Hernasaxek
Kontzertua irekitzeko arduradunak izango dira Hernasaxeko kideak. Bi obra interpretatuko dituzte: Gustav Holst-en St. Paul’s Suite obrako Jig eta Finale (The Dargason), eta Perçy Aldriadge Grainger-en Molly on the Shore; biak, Jacques Larocquek moldatutakoak.
Beste bost pieza, Musika Bandak
Emanaldiko bigarren zatian Musika Banda ariko da, eta bost pieza joko ditu: Jan de Haan-en Overture to a New Age, Emilio Cebrianen Una noche en Granada obrako 3 pieza, Jesus Guridiren Diez melodias vascas obrako 4 pieza, Perez Pradoren Mambo Jambo eta Zequinha Abreuren Tico-Tico.
Hernaniar guztiak gonbidatu dituzte emanaldiaz gozatzera.