Aralar, Joxe Mari, Tripontzi eta Zumitza tabernek hartuko dute parte Ekipintxo izeneko proiektu honetan.
Mondragon Unibertsitateko Loadinn ikasle elkarteak antolatu du, eta helburua da, Hernaniko produktuak, pintxoak, nekazaritza, ostalaritza, musikari eta herritarren partehartzea sustatzea.
Pintxoak eta musika
Lau tabernek pintxo hotz bana aurkeztuko dute lehiaketan. Epaimahai batek probatuko ditu, baina herritarrek ere izango dute aukera dastatu eta botoa emateko; pintxoa eta edaria, 1,50 euroren truke.
Plazan jarriko dira postuak, 11:00etatik 14:00etara (eguraldi txarra badago, Atsegindegin). Horrez gain, herriko musikariak ere izango dira: Naroa Jaka, David Soriazu eta Iraitz Mateo.