«Hernani hobetzea gure eta denon zeregina da»

Hauteskunde kanpainako ekitaldi nagusia egin zuen atzo EH Bilduk, Tilosetan. Hautagai guztiak aurkeztu zituzten herritarren aurrean, eta Luis In­txauspe alkategaiak eta Per­nando Barrena Sortuko boze­ramaileak hitz egin zuten.

«Elkarrekin Hernani hobetzea da helburua»
Intxauspek azpimarratu zuen Hernaniko EH Bilduko ze­rren­da osatzen dutenak «herrigin­tzan, Hernanigintzan» dabil­tzan herritarrak direla. «Elka­rre­kin Hernani hobetzea da hel­burua. Horregatik, elkar­la­nean aritu gara, eta arituko ga­ra auzo elkarteekin, mu­gi­men­du feministarekin... Her­na­ni hobetzea gure eta denon ze­regina da. Bakoitzak gure le­ku­tik, taldetik, militantziatik apor­tatzen dugu».
Arlo sozialean herriko era­gi­leen lana ere azpimarratu zuen, eta datozen kon­pro­mi­soak aipatu zituen; besteak bes­te, Enplegu Gunea sus­ta­tzea, Ongintza Zerbitzuko zer­bi­tzuak zabaltzen jarraitzea, adinekoen foroa eta gazte saila sortzea, Memoria Historikoa osatzea edota larri gaixo dauden presoak etxeratzea.

«EH Bildu da Gipuzkoako gehiengoaren berme soziala»
Pernando Barrenak, berriz, nabarmendu zuen: «Elkar­ta­suna eta justizia nagusi dituen etorkizuneko Euskal Herriaren eraikuntzan ari gara. Horre­ta­rako behar dugu herri sos­tengua».
Era beran, aipatu zuen de­nek esan dietela ezetz Es­pai­nia­tik etorritako murriz­ke­tei, «bai­na bakarrak izan gara praktikara eramaten: EH Bildu da Gipuzkoako gehiengoaren berme soziala».

Datozen zitak
Dei egin zuten parte hartzeko bihar 12:30etan Do­nostian egingo den Gipuz­ko­a­ko ekitaldi nagu­sian, eta ostiralean, kanpaina bukaerako festan, Tilosetan.