Euskadiko Liga hasiko du gaur, binaka, Oier Gurutzealde pelotari astigartarrak. Gasteizko Astronomos trinketean izango du estreinakoa, 17:00etan, Zaratamoren kontra. Bihar, berriz, Espainiako Openari ekingo dio, Iruñako Oberena trinketean, Julen Loitegirekin bikotea osatuta. Oberena taldeko Santamaria eta Lukin izango dituzte kontrario, goizeko 11:00etan.
Egoitz Olarrak, bere aldetik, Azkoitian jokatuko du gaur. Eskuz banaka ariko da, Iker Txurruka azkoitiarraren kontra. Gurea frontoian jokatuko du, goizeko 10:00etan.