Giza Proba saioa egingo dute bihar, Zamalbide-Bentak auzoko jaien barruan. Perurenako Emakumeen Giza Proba Txapelketa jokatuko dute, Auzolango probalekuan.
Hiru talde ariko dira lehian, eta tartean da Emarri taldea ere. Ibarra eta Zeani izango dituzte aurkari, astigartarrek. Arratsaldeko 18:00etan hasiko dira lanean.
15 minutuko saioak, 550 kiloko harriarekin
Talde bakoitzak 15 minutuko saioa egingo du, eta 550 kiloko harriari tiraka arituko dira hiru taldeak. Hala ere, taldeko kideen artean 550 kilo baino gehiago pisatuz gero, pasatzen diren kilogramo bakoitzeko 2 kiloko gainkarga mugitu beharko du taldeak.
Saioaren epaileek, Federazioaren Giza Proba Arautegia jarraituko dute.