Ur Miak baditu aurtengo mus txapeldunak: Pako eta Angel Leonet. Larunbatean jokatu ziren finalak eta beraiek nagusitu zitzaizkien Manueltxo eta Iñakiri. Hirugarren postua lortzeko lehian, berriz, Gregorio eta Joxean, Arkaitz eta Aitzolen aurka aritu ziren. Azken hauek nagusitu ziren. 17 bikotek hartu dute parte aurtengo txapelketan.
Afaria, giro ederrean
Urteko afaria ere egin zen larunbatean. Denera, 40 bat lagun elkartu ziren eta giro ederrean afaldu zuten.
Menua ere primerakoa izan zuten: arrain zopa, legatza errebozatua, entrekota, eta Adarragako milhojas izozkiarekin. Garbitzen lan gutxi izan zutela azaldu dute antolatzaileek, platerak txukun-txukun, kondarrik gabe utzi baitzituzten bertaratutakoek. Sukaldariak kategoriko lana egin zuen seinale!