«Beterri kea besterik ez da; guk sei udalerriak bildu nahi ditugu»

Bere proposamena aurkeztu du Buruntzaldeako EAJk, esku­aldeko garapen agentzia sor­tzeko. Elkarte anonimoa eratu nahi dute, «egitura juridiko-ekonomikoa eta kontrol publikoa bermatzeko», azaldu zuen Mikel Pagolak, Urnietako alkateak: «Bilduren proposamenak ez zituen bi esparru horiek betetzen».
Nabarmendu zuen, gainera, Beterri Garapen Agentzia ez dagoela sortuta: «proiektu hori kea besterik ez da, estatutuak bakarrik onartu ziren».

Proposamena, irekia
EAJk udaletxe guztietan banatuko du proposamena, denengana iristeko: «irekia da, eta eragile eta alderdi politiko guztiekin elkartuko gara, pro­iektua partekatu eta ekarpenak jaso­tzeko. Helburua da Burun­tzal­deako sei udalerriak elkartzea».
Proposatzen duten elkartean, Udaleko funtzionarioek egingo lukete lan teknikoa, eta ordezkariak plenoetan aukeratuko lirateke, boto bidez.
Agentziaren bidez, hainbat ekintza zehatz bideratzeko asmoa dauka EAJk: enplegua sortu, partehartze aktiboa eskualdeko egituretan, proiektu propioak abiatu, ekintzailetza eta merkataritza txikia babestu...