Gaur iluntzeko 20:00etan musika eta literatura errezitaldia nahastuko dituen Innervisions emanaldia egingo dute, doan, Joxan Goikoetxea hernaniarrak, akordeoiarekin, eta Espido Freire literatura izarrak. Kontzertua Hondarribiako Karmeliten Monasterioan izango da, Jaizubia auzoan. Santa Teresaren jaiotzaren 5garren mendeurrena beteko da aurten, eta horren harira, Teresarekin Bidean, Musika eta Mistika: Kontzertu Teresianoak izeneko kontzertu zikloa antolatu dute. Ziklo horretako azken emanaldia izango da gaurkoa.