Atzo zen egitekoa, Karbonera etxe okupatuaren inguruko epaiketa. Hori horrela, desalojatze agindua laster iritsiko dela uste dute bertako bizilagunek, eta gaur, okupazioaren aldeko eguna antolatu dute.
Azalpenak prentsaurrekoan
Egunari hasiera emateko prentsaurrekoa emango dute 11:00etan Karboneran. Bertan azalduko dute zein den Karbonera eta Donostiako Itsa Gain etxe okupatuen egoera.
Itxas Gainen, segida
Prentsaurrekoa bukatuta, Itxas Gainen izango du segida festak. 12:00etan Karboneratik abiatuta, bizikleta martxa egingo da Donostiako Aldapetan dagoen Itxas Gain etxera.
Ondoren, 14:00etan bazkari herrikoia egingo da, eta 15:30etan, mahai ingurua.
Kontzertuak, iluntzean
Egunari amaiera emateko, kontzertuak antolatu dituzte, iluntzeko 20:00etan hasita, Itxas Gainen.