Pintxoak dastatu eta onenaren alde bozkatzeko aukera, igandean

Mondragon Unibertsitateko Loadinn, diru irabazi asmorik gabeko ikasle elkarteak anto­latuta, pintxo lehiaketa egingo da igandean, 11:00etatik 14:00e­­ta­rako tartean, Plazan (eguraldi txarra eginez gero, Atsegindegin egingo da).
Herriko lau tabernak har­tuko dute parte lehiaketan, eta epaimahaiaz gain, herritarrek ere izango dute aukera pin­txoak dastatu eta onena au­keratzeko.

Lau tabernetako pintxoak dastatzeko aukera
Pintxo lehiaketa honetan, herriko lau tabernak harutko dute parte: Aralar, Joxe Mari, Tripontzi eta Zumitzak, hain zuzen.
Taberna bakoitzak pintxo hotz bana sortu beharko du, eta hiru epaimahaikidek pro­batuko dituzte, onena au­ke­ratzeko; tartean izango da Luis Irizar, Sukaldaritza Eskolako fundatzailea.
Era berean, hernaniarrek ere izango dute aukera pintxoak probatu eta onena aukeratzeko; pintxo eta edariak 1,50 euroko prezioa izango dute.

Naroa Jaka, David Soriazu eta Iraitz Mateoren musika emanaldiak ere izango dira.

Herriko musikariak, giroa jartzen
Ekipintxo deitu diote proiek­tu­ari, eta helburua da Herna­ni­ko produktuak, pintxoak, ne­ka­­zaritza, ostalaritza, musi­ka­ri eta herritarren partehartzea sustatzea.
Hori horrela, pintxoak das­tatzeaz gain, herriko hainbat musikariren emanaldiekin gozatzeko aukera ere izango da: Naroa Jaka eta David So­riazu musikarienak, eta Iraitz Mateo bertsolariarena.