Udaberri Kontzertua prestatu dute iganderako Hernasax saxofoi taldeak eta Hernaniko Musika Bandak. Eguerdiko 12:30etan izango da, Ave Maria parkean, eta eguraldi txarra egiten badu, Milagrosan emango dute.
Kontzertuak bi zati izango ditu: Hernasax ariko da aurrena, eta Musika Banda, gero.
Hernasaxek, bi obra
Kontzertuaren aurreneko zatian Hernasax taldeak joko du, eta bi pieza interpretatuko ditu. Batetik, Gustav Holst-en St. Paul Suite obrako bi pieza: Jig eta Finale (The Dargason). Bestetik, Percy Aldridge Grainger-en Molly on the shore.
Musika Bandaren eskuti, bost obra
Bigarren zatian Hernaniko Musika Bandaren txanda izango da. Hauek, bost obra joko dituzte: Jan de Haan-en Overture to a new age; Emilio Cebrian Ruizen Una noche en Granada obra; Jesus Guridiren Diez melodias vascas obrako lau pieza (Narrativa, Amorosa, Danza eta Festiva); Perez Pradoren Mambo Jambo; eta Zequinha Abreu-ren Tico-Tico ezaguna. yy