Elkartasun Eguna antolatu du larunbaterako herritar talde batek: «Herrian 24 preso politiko ditugu milaka kilometrotara sakabanatuta (...) Lehenbailehen behar ditugu etxean, eta bitartean guztiok dispertsioaren kateak hautsi behar ditugu, eta elkartasunera lotu behar gara», azaldu zuten aurkezpen ekitaldian.
Goizetik arratsaldera bitartean, hainbat ekintza antolatu dituzte larunbaterako.
Errelebo lasterketa eta manifestazioa, hasteko
Eguerdiko 12:00etan emango diote hasiera egunari, haur eta helduen errelebo lasterketarekin.
Hori bukatuta, eguerdiko 13:30etan manifestazioa egingo da herrian zehar.
Haur eta helduek hartu ahal izango dute parte Elkartasun Egunean.
Bazkarirako txartelak salgai
Goizeko ekitaldiak bukatuta, bazkaria egingo da 14:30etan. Menua izango da: entsaladilla errusiarra, txipiroiak tintan, karrillerak, arroz esnea, kafea eta kopa. Oraindik ere erosi daitezke tiketak Garin, Txili, Aker, Onddi eta Zintzarri tabernetan; 15 euro, helduek, eta 5 euro umeek.
Enkanterako gauzak emateko aukera
Bazkaldu ondoren, ohi bezala, enkantea egingo da. Bildutako dirua erabiliko da presoen senide eta lagunei kartzeletarako bidaia gastuekin laguntzeko.
Enkanterako zerbait jarri nahi duenak badauka oraindik aukera. Horretarako, telefono hauetako batera deitu behar da, lehenbailehen: 635 006 275 edo 606 695 364.