Ostirala da San Isidro eguna, hau da, baserritarren eguna. Urtero bezala, Hernanin izango dute zerekin gozatu, herriko baserritarrek eta festarako gogoa duten herritarrek.
Meza, egunari hasiera emateko
Egunari hasiera emateko, meza izango da San Joan Bataiatzailea parroki elizan, goizeko 11:00etan.
Pala eta pelota, Tilosetan
Meza bukatuta, pala eta esku pelota partiduak jokatuko dira Tilosetan, 11:30etan. Aurrena, neskak ariko dira palan: Arrieta-Tijero, Perez-Jauregiren kontra. Segidan, esku pelotan, mutilak: Arrieta-Lizeaga, Urkizu-Aizpitarteren kontra.