Zer galdetuko zenieke alkategaiei?

Maiatzaren 24an datozen lau urteetarako Alkatea aukera­tuko dute herna­niarrek. Udal Hauteskundeak izango dira, eta herrian bost alderdi politikok aurkeztuko dute hautagaitza: EH Bilduk, EAJ-PNVk, PSE-EEk, PPk eta Orain Hernanik! Herriko talde ezberdinek mahai ingurua antolatu dute asteazkenean, alkategaiak gertutik ezagutu, eta nahi duenak galdera bat egiteko aukera izan dezan.
Alkategaiek he­rritarrek, taldeek eta elkarteek dituzten galderak erantzungo di­tuzte. Mahai ingurua Biteri kultur etxean izango da, 19:00­etan eta bertan, aurrez aurre izango dira guztiak. Gonbitea Her­nanin hautagaitza au­r­keztu duten alderdi guztiei luzatu zaie, eta parte hartuko dute Luis Intxauspek (EH Bildu), Andoni Amonarraizek (EAJ-PNV), Ricardo Crespok (PSE-EE) eta Jaione Aristregik (Orain Hernani!).

Mahai ingurua Biteri kultur etxean izango da, etzi, asteazkena, iluntzeko 19:00etan hasita.

Hiru erronda,bi ordutan
Mahai ingurua bi ordu ingurukoa izango da, eta hiru erronda edo galdera txanda egingo dira. Le­henengo txandan, Hernani­ko elkarteek luzatuko dituzte galderak; bigarren txandan, publikoak egindako galderak erantzungo dituzte alka­tegaiek; eta hirugarren eta azkeneko txandan, Biteri kul­tur etxean jarri den buzoiean jasotako galderak erantzungo dituzte. Denbo­rarik izanez gero, laugarren txanda bat egiteko aukera izango da, elkarteen galderak erantzuteko.
Nola egin galderak?
Alkategaiei galderak egin nahi dizkieten herritarrek mahai-inguruan bertan izan­­go dute galderak egiteko au­kera; hau da, zuzenean egin ditzakete galderak. Bes­talde, saiora joateko auke­rarik ez dutenek, gal­dera Biterin jarri duten buzoiean uzteko aukera dute.

Interpreteak egongo dira
Galderak nahi diren hiz­kun­tzan egin eta erantzuteko aukera izango da etziko mahai inguruan. Izan ere, bat bateko interpretea egon­go da bertan, galderak eus­keraz nahiz erderaz egin ahal izateko. Zeinu hiz­kuntzako interpretea ere izango da bertan.

Mahai ingurua,elkarteek antolatuta
Asteazkeneko mahai ingurua Hernaniko talde eta elkarte ezberdinek antolatu dute: Koxka elkartea, Stop Desa­hau­cios, Duintasuna, AMHER­-­SOS arrazakeria, Li­zea­gako auzo elkartea, Sor­gintxuloko auzo elkartea, Gaz­te Asanblada, Eskubide So­zialen Karta, Kaxko auzo elkartea, Dobera Euskara Elkartea, Hernades elkartea, Auzokide bizilagun elkartea eta Hernani Zero Zabor.