Agerian utzi zuten «LOMCE atzera joatea dela»

­­euskal Curriculumaren al­de­ko festa izan zen atzo Her­nanin. Langile, Elizatxo, Uru­mea, Txirrita, Institutua, Hau­rreskola eta Udalak anto­latutako festa izan zen, eta AMHER, Pausoka, eta Bilgune Feminista izan zituzten lagun. Festa eguna izan zen atzokoa, baina baita ere aldarrika­penerako eguna: «LOMCE ere­dua eta guk nahi dugun ere­dua kontrajartzea da hel­bu­rua. LOMCEK hezkuntzari eka­rriko diona erakutsi nahi du­gu, eta era berean, gure eredua zein izango litzatekeen era­kutsi».
Ehundaka herna­niar el­kartu ziren herrian ja­rritako hiru guneetan. Biterin jarri zuten curriculumaren gunea, eta bertan, antzerki gisa era­kutsi zuten garai bateko es­ko­la zer zen eta euren eskola ere­dua zein izango litza­te­keen. Hiz­kun­tzaren gunea al­diz, Gu­dia­ren plazan jarri zu­ten; bertan irudikatu zuten es­kolako patio bat: LOMCEren ereduan garai bateko abestiak kantatu zi­tuzten, eta eurek alda­rri­ka­tzen duten ereduan ipui­nen txokoa. Azkenik, Plaza Be­rrin jarri zuten baloreen gu­nea, eta bertan herriko eragileak izan ziren protagonista.