«Auzo Udalak Ereñotzurentzako hainbat onura ekarri ditzakeela ikusi da»

Imanol Lizeaga da Ereñotzuko auzo alkategaia, Ereñotzu Ekinez plataformarekin. Azken lau urtetan Ereñotzuko auzo alkatea izan da eta ibilbidea oparoa izan dela azaldu dio Kronikari: «auzo honentzako hainbat onura ekarri direla ikusi da». Aurreko legegintzaldia hasi zutenean hutsune asko zeudela aitortu dio Kronikari, eta batzuk asetu dituztela: «orain tokatuko zaigu, besteak beste, hasitako zenbait proiekturen bigarren faseak burutzea. Eta baita ere, bizikidetza bultzatu eta abian jarri ziren hainbat programak indartzea».