Astigarragan izango dira sailkapen faseko lehenengo saioak, gaur bertan. Hain zuzen, bi saio izango dira: goizean eta arratsaldean. Kultur etxean da hitzordua.
Goizean, zortzi bertsolari ariko dira, 11:30etatik aurrera. Honakoak dira bertsolariak: Andoni Goitia, Unai Muñoa, Imanol Irazustabarrena, Gemma Urteaga, Oier Aizpurua, Hodei Iruretagoiena, Haritz Mujika eta Mikel Iturriotz.
Arratsaldeko saioa 17:30etan hasiko da eta sei bertsolari ariko dira, kasu honetan: Aitor Irastortza, Ander Lizarralde, Beñat Jauregi, Jokin Bergara, Danel Olano eta Xabier Sukia.
Sarrerak kultur etxean bertan salduko dira 10:00etatik eta 16:00etatik aurrera. 6 euro izango dira; 16 urtetik beherakoek, 4 euro. Eta bi saioetarako hartuz gero, prezio berezia.