Astigarragako Udalak zesioan utzi dio Behemendiri Txoritokieta magalean dagoen 9.504m2-ko lur-sail bat, bertan, nekazaritza ekologikoa sustatzeko.
Hori horrela, Behemendik lehiaketa publiko bat jarri du martxan, nekazaritza ekologikoan ekoiztuko duen ustiategi bat sortzeko.
Astigarraga eta inguruko herrietako edonork hartu dezake parte lehiaketan. Proiektuak aurkezteko epea maiatzaren 29an bukatuko da. Aukeraketan kontuan hartuko dira proiektuaren arabera zehazten den ekoiztutako produktuen salmenta modua, sortutako lanpostu kopurua eta ekoizpenaren dibertsifikazioa.
Parte hartu eta informazio gehiagorako: 943 49 02 19/behemendik@behemendi.eus.