Gaur aurkeztuko du Joxan Goikoetxea hernaniarrak bere azken lana, proiektu haundia, kulturaren esparru asko biltzen dituena, ikuskizun bakar batean. Zeru horren infernuak eskainiko dute Biterin, iluntzeko 20:00etan. Ikusmin haundia sortu du, eta sarrera guztiak saldu dituzte dagoeneko.
Musika eta dantza artean, William Shakespeare ezagunaren sonetoak errezitatuko dituzte, euskeraz. Juan Garzia idazleak itzuli ditu sonetoak, eta musika jarri die Joxan Goikoetxeak berak. Victoria Eugenia antzokian estreinatu zuten lana, eta disko-liburua ere argitaratu dute, 154 sonetoekin eta musika, errezitaldiak eta kantuak biltzen dituzten bi diskorekin.
Beste sei hernaniar, tartean
Proiektuan, euskeraren munduko 150 artista baino gehiago aritu dira, tartean zazpi hernaniar: Goikoetxea bera, Amaia Azkue, Roberto Yaben, Juanjo Otxandorena, Iosune Marin, Ion Mari Beasain eta Alan Griffin. «Toki berezia gorde nahi izan diet hernaniarrei», azaldu du Goikoetxeak.