Sei final eta giro bikaina, denboraldia bukatzeko

Hernaniko pelotari gazteenek San Joanetako Torneoko finala jokatu zuten joan den asteburuan eta hori horrela, bukatutzat eman dute aurtengo denboraldia. Guztira 6 final jokatu ziren benjamin, alebin eta infantil mailetan. Jende ugari gerturatu zen finalak ikustera eta giro bikaina bizitu zen harmailetan. Emaitzei dagokienean, paletan, Cabrera eta Garciak 25-19 irabazi zieten Urdangarin eta Mujikari, infantil mailan. Alebin mailan, berriz, Salaberria eta Uizik 20-16 irabazi zieten Tolosa ahizpei. Eskuz, alebin lehenengo mailan, Odriozola eta Oiartzabal nagusitu zitzaizkien Arribillaga eta Arangureni 16-4; eta bigarren mailan, Iturrioz eta Arizmendi, Ezeiza eta Berasarteri 16-10. Benjamin lehenengo mailan, Aranburu eta Otamendi txapeldun izan ziren 16-13 irabazita Mujika eta Iruretagoienari; eta bigarren mailan, Artola eta Leiza 16-7 irabazita, Garaiar eta Urretabizkaiari.