AZKEN egunetako beroek ongi etorri jendetsua eman diote igerileku irekiei, eta udarari. Zabalik dira Hernaniko jolas igerilekuak, larunbatetik; igandean eta atzo, ume eta heldu asko zen bertan, freskura bila joana. Irailaren 11ra arte zabalik izango dira, eta eguraldiak laguntzen badu, iaz adina jende inguratzea espero da; 60.000 lagun, hain zuzen ere. Bada aukera, eguneko txartela hartzeko, eta baita bonoak egiteko ere.
Egunero, irailera arte
Zalaparta eta zipriztin faltarik ez zen atzo eta herenegun, igerileku irekietan. Irailaren 11ra arte zabalik izango dira, egun osoan. 11:00etatik 20:30etara irekiko dira, eta orduerdi gehiago, ekainaren 30etik uztailaren 22ra, goizean 10:30etan zabalduko baitira. Egun guztiko txartelak izango dira (igerilekutik atera ahal izango da, eta berriz sartu), eta baita bonoak ere (ikusi ondoko tabla). 5.000 lagunentzat lekua badute igerilekuek; iaz, San Inaziotan 4.000tik gora lagun izan ziren, eta denboraldi osoan, 60.000.
Uda hasiera hezea, bukaera lehorra
Gaur sartuko gara udan; ofizialki, arratsaldeko 19:16etan. Udarak zer aldarte ekarriko duen jakinarazi du Euskalmetek: uztaila eta abuztua, hezetik joango omen dira; lainoa, eta euri langarra. Iraila, berriz, lehorra. Euri gutxi, eta eguzkia nagusi, goietan.
Igerilekuak ordutegia eta prezioak
Ekainak 18 - irailak 11
Ordutegia:
Denboraldi guztian: 11:00-20:30
Ekainak 30-Uztailak 22: 10:30-20:30
Prezioak:
Eguneko sarrera:
- 3 urtetik behera: 2,25 euro
- 18 urtetik behera: 4,60 euro
- 18 urtetik gora: 6,75 euro
Bonoak kiroldegiko bazkideentzat
- 18 urtetik behera: 29,00 euro
- 18 urtetik gora: 43,85 euro
- Familiarra: 66,40 euro
Bonoak bazkide ez direnentzat
- 18 urtetik behera:53,55 euro
- 18 urtetik gora: 86,80 euro
- Familiarra: 131,80 euro