PROBINTZIA mailako Plater Tiro Txapelketa jokatu zen larunbatean, Santa Barbarako tiro eremuan. 46 partehartzaile elkartu ziren bertan, tartean, Gipuzkoako ehiztari onenak; eta Hernaniko Udala Sari Nagusia izan zuten jokoan. 1go eta 2garren mailan, Juan Ignazio Unanue izan zen onena, 25 plateretatik 24 botata. Maila berean, bigarrena Iñaki Estarloa izan zen, eta hirugarrena Xabier Azpeitia. Biek, irabazleak adina plater bota zituzten. 3garren mailan berriz, Cristobal Barragan izan zen onena, jokoan zeuden 25 plateretatik 23 botata. Kasu honetan, bigarren eta hirugarren sailkatuak ere plater kopuru bera bota zuten: Asier Tejadak eta Iñigo Otegik. Azkenik, 4garren mailan edo hastapen mailan, Antonio Zamarreño izan zen onena, 25etik 23 plater botata. Bigarren sailkatuak eta hirugarrenak, Oskar Redondok eta Iñigo Larruscainek 20 plater bota zituzten.
Esnal bere kategoriako onena, Gipuzkoako Kopan
Joan den asteburuan Gipuzkoako Kopa jokatu zen Hondarribian, Mini Foso modalitatekoa, eta bere kategorian, Jose Joaquin Esnal izan zen onena, 25etik 24 plater botata.