Maitasuna landuz agurtu dute kurtsoa

emakumeen Jabetze Eskolako aurtengo kurtsoari bukaera emateko, maitasun erromantikoari buruzko pintxo tertulia izan zen ostiralean. Jabetze Eskolak emakumeentzako izan ohi diren arren, kasu honetan gizonezkoek ere izan zuten parte hartzeko aukera. Guztira, 72 pertsona bil­du ziren maitasun erromantikoari buruz hitz egitera; tartean, 7 gazte. Antola­tzai­leak oso pozik daude erantzunarekin, es­pero baino jende gehiago animatu zelako eta tertulietan giro ederra sortu zelako. Biteri kanpoko plazan elkartu ziren, gaia espazio publikora ateratzeko helburuarekin. «Amo­dio erromantikoa kalera atera nahi izan dugu, normalean pribatuan lantzen den gai bat delako. Baina denoi eragiten digu eta denok dugu zerbait esateko». Elkartutako guztiak taldeka banatu eta dinamizatzaile banaren laguntzaz, arlo ezberdinetatik landu zuten maitasuna. Ondoren, Viginia Imazen Klown­klusioak entzuteko aukera izan zen. Inguratutakoek barre dexente egin zuten. Eta amaitzeko, noski, pintxorik ez zen falta izan. Gaueko 23:30ak arte luzatu zen jaialdia.