Hernaniko anbulantzia berria erakutsi, eta erreskate-simulakroa egingo dute Plazan

dyak egun gutxi barru Hernanin zerbitzuan izan­go den anbulantzia berria aur­keztuko du gaur. Sorospen-unitatea, eskual­de­ko jen­dearen elkartasunari esker lortu dutela jakinarazi du Gipuzkoako DYAk. An­bulantziari esker, Herna­nin premiazko osasun laguntza emango da he­mendik au­rrera, eta kirol, kultura eta ekitaldi lu­dikoetan preben­tzio lanak ere egingo ditu.

Eguerdian ordutebez, ikusgai

Anbulantzia eguerdiko 12:00­­­­etatik 13:00etara egon­­go da Plazan, ­herri­tarrek gerturatu eta ikus­teko aukera izan dezaten. Ikus­teaz gain, DYAk az­pimarratu du, nahi duen guztiak asistentzia-ekipa­men­tuaren maneiua eta erabiltzeko modua ezagutu ahal izango duela.

Boluntarioen lanari buruzko informazioa, karpa batean

Era berean, DYAko bo­luntarioek egiten duten lanari buruzko infor­ma­zioa izango da es­ku­ra­garri, Plazan jarriko duten karpa txikian. Helburua da, hernaniarrak kontzien­tziatzea denbora librea besteei laguntzen pasa litekeela. Karpan baita ere, tailer bat jarriko dute etxeko txikienentzat.

Kotxe istripu bateko erreskate-simulakroa, erakusketa eta gero

Anbulantziaren erakus­k­eta bukatuta, 13:15etan erres­kate simulakro bat egingo du­te. Bertan, kotxe istripu ba­ten ondorioz, ha­rrapatuta dago­en pertsona erreska­ta­tuko dute. Prozesu horretan era­biltzen den teknika era­ku­tsiko dute, eta momen­tuan emango dituzte azalpenak.