ekitaldi ugari izan dira herrian azken bi asteetan, San Joanen festen inguruan antolatutakoak. Festen aurreko ekitaldi horiek gaur izango dute bukaera, eta erreleboa, San Joan Jaiek hartuko dute, ekainaren 23tik aurrera. Eguna hasteko, goizeko aurreneko ordutik, 08:00etatik, Aurorak ibiliko dira herrian, kantu doinuak zabaltzen.
Xoxokan, ehiza-txakurrak
Ordubete geroago, Xoxokako zelaietan, eguneko ekitaldi nagusienetako bat jokatuko da: Erakus-txakurren Ehiza Txapelketa. Izena eman nahi dutenek, ordu erdi lehenago gerturatu behar dute Xoxokara. Goizeko 10:00etan berriz, kasu honetan Jauregiko zelaietan, Uso tiro txapelketa jokatuko da, Colombaire erara. Herrira itzulita, Bola tiraldia izango da, 10:00etan baita ere, Goiz Eguzkiko bolatokian; eta gimnasia erritmiko erakustaldia, Kiroldegian. Eguneko beste ekitaldi garrantzitsua atletismo pistan jokatuko da: Palankarien XXX. proba. Etxeberri elkarteak antolatuta, 10:30etan hasiko da. Eta bukatzeko, azkeneko ekitaldia Plaza Berrin izango da. Gerardo Plazaren Omenezko V. Sake proba jokatuko da, 11:00etan hasita. Bertan izango dira, besteak beste Nazioarteko maisu ezagun bat eta Gros Xake Taldeko jokalariak.