San Joan Jaiak hastear dira. Bost egun besterik ez dira geratzen Hernaniko festarik garrantzitsuenak ospatzeko eta horiek iragartzeko, urtero egin ohi den bezala, Iragarpen Kontzertua edo Preludioa izango da. Eta urteko kontzerturik garrantzitsuena dena, gaur izango da, hain zuzen. Guztira 18 taldek hartuko dute parte eta horien artean izango da Gatibu euskal rock taldea. Hernaniko Musika Bandak 150 urte betetzen ditu aurten eta zerbait berezia eskaini nahian, gonbidatu du euskal rock taldea. Roberto Pachecok moldatuta, bi abesti joko dituzte Gatibuk eta Musika Bandak elkarrekin, Zipri Otxandorenaren zuzendaritzapean. Abestiak izango dira: Bang-bang txiki-txiki bang-bang eta Zeu, zeu, zeu! Emanaldia gaueko 22:30etan hasiko da, Atsegindegi plazan. Aurkezpen lanetan, Idoia Noble eta Jon Odriozola ariko dira.
‘Zapa’ri omenaldia
Emanaldian protagonismo berezia izango du Zapak, hil zutela 31 urte betetzen diren honetan. Bere omenez, hainbat pieza joko dituzte. Lehenengoa, El Zapa, bera kide izan zen Incansables txarangak joko du. Zaparen omenez ere eskainiko dute Musika Banda, txistulari, abesbatza, akordeoi talde, abeslari bakarlari eta dantzariek.
Musika Banda, abesbatzak, dantza taldeak, txarangak...
Aurrez esan bezala, kontzertuan 18 talde ezberdinek hartuko dute parte. Gatibu eta Musika Bandaz gain, bertan izango dira: Hernani eta inguruko txistulariak, Musika Eskolako akordeoi taldea, abesbatzak, Incansables txaranga, Ttarla dantza taldea, Ainara dantza eskola, Metal boskotea, txalapartariak...
Emanaldia 16 ataletan banatuko da eta talde horiek bakarka edo elkarrekin interpretatuko dituzte dagozkien abestiak. Esaterako, hasiera, txalapartariek emango diote. Ondoren, El Zapa, Incansables txarangak eskainiko du; baita La reina de Aragon ere. Hernani 150 berriz, Musika Bandak joko du. Herribera abestia, Kantuz, Ozenki eta Parrokiko abesbatzek, akordeoi taldeak, abeslari batek eta gitarristek interpretatuko dute. Furra-furra, txistulari, metal boskote eta abesbatzen doinuetan gozatzeko aukera izango da, Tango de Roxanne akordeoi talde, biolina eta dantzarien bidez...
Bost zuzendari
Kontzertua, bost zuzendarik gidatuko dute: Zipri Otxandorena, Igor Arroyo, Patxi Apezetxea, Maribel Insausti eta Garbiñe Orbegozok. Zuzendari artistikoa, berriz, Ruth Martin izango da.
EGITARAUA
‘TXALAPARTA’
‘EL ZAPA’: Joaquin Ortega ‘Canario’
Incansables txaranga
‘LA REINA DE ARAGON’: Moldaketa: Ricardo Marcilla, Joaquin Ortega ‘Canario’. Incansables txaranga
‘HERNANI 150’: Moldaketa: Angel Briz Lazcoz. Musika Banda.
Zuzendaria: Zipri Otxandorena
‘HERRIBERA’: B. Lertxundi/ Moldaketa: L. Ondarra. Abesbatzak, akordeoi taldea, abeslari bakarlaria eta gitarrak. Zuzendaria: Igor Arroyo
‘FURRA-FURRA’: Oskorri/Moldaketa: Imanol Kamio. Txistulariak, metal boskotea eta abesbatzak. Zuzendaria: Patxi Apezetxea
‘TANGO DE ROXANNE’: E. McGregor/ Moldaketa: J. Koman.Akordeoi taldea, biolina eta dantzariak. Koreografia: Amets Santxez eta Ainara Arrospide. Zuzendaria: Maribel Insausti.
‘DELIVER US (THE PRINCE OF EGYPT’: Hans Zimmer/Moldaketa: Alfredo G. Chirlaque. Musika Banda, abesbatzak eta abeslari bakarlaria.
Zuzendaria: Zipri Otxandorena.
‘LEONENA’ (JOTA ETA PORRUE): Leon Bilboren errepertorioa/Moldaketa: Sabin Bikandi. Txistulariak, metal boskotea, albokari eta
dantzariak. Zuzendaria: Patxi Apezetxea.
‘EPERRA’: Anje Duhalde/Moldaketa: Angel Unzu. Abesbatzak, pianoa eta saxofoia. Zuzendaria: Garbiñe Orbegozo.
‘JAIALDIA’: Euskal kantariak/ Moldaketa: Iñaki Urkizu. Musika Banda eta abesbatzak.
Zuzendaria: Zipri Otxandorena.
‘GATIBU’: Gatibu/Moldaketa: Roberto Pacheco. Gatibu euskal rock taldea eta Musika Banda. Zuzendaria: Zipri Otxandorena.
‘TICO TICO’: Zequina d Abreu/Moldaketa: Xabier Zabala. Txistulariak, metal boskotea,
perkusioa eta txistulari bakarlaria. Zuzendaria: Patxi Apezetxea.
‘ZAPAREN OMENEZ’: Joaquin Ortega ‘Canario’. Musika Banda, txistulariak,
abesbatzak, akordeoi taldea, abeslari bakarlaria eta dantzariak. Zuzendaria: Zipri Otxandorena.
‘MENDIRIK MENDI’: J.A. Erauskin. Musika Banda, txistulariak, abesbatzak eta akordeoi
taldea. Zuzendaria: Patxi Apezetxea.
‘SAN JOAN ZORTZIKOA’: Herrikoia/Moldaketa: Joxan Goikoetxea. /Hitzak: M. Lekuona. Musika Banda, txistulariak,
akordeoi taldea, txalapartariak, abesbatzak eta dantzariak. Zuzendaria: Zipri Otxandorena.