Preludio txikia aurrena gaur, San Joanak iragartzen

San Joan jaiak iragartzen au­rrena izango da aurten ere, Preludio Txikia. Her­na­niko zazpi taldek hartuko dute parte kontzertuan: Eli­zatxo, Langile eta Urumea ikas­tolek, Inmakulada ikastetxeak, Musika Eskolak, Kan­tuzek eta Ttarla dantza taldeak.
Txalapartariek zabalduko dut­e emanaldia, eta ondoren, Ttar­lako dantzariak eta txistulariak igoko dira taula gainera. Se­gi­dan, trikitilari, soinujole eta saxojoleen txanda izango da. Eta amaieran, Mu­si­ka Eskolako eta ikastoletako abes­batzek izango dute prota­go­nismoa. Zazpi abesti inter­pre­tatuko dituzte: Iritsi da eguna, Ur azpian, Xalbadorren he­riotza, Muxu bat, Hernaniko martxa, Mendirik Mendi eta San Juan zortzikoa.
Euri iragarpena dela eta, emanaldia Atsegindegin egingo da, 19:00etan hasita.

Gatibu bihar, Preludio Nagusiko gonbidatua
Preludio Nagusia Atseginde­gin izango da baita ere, bihar 22:30­etan hasita. 18 taldek hartuko dute parte aurten, eta gon­bidatu berezi bat ere izango dute: Gatibu taldea. Prelu­dioak 16 abesti interpretatuko ditu, eta horietatik 2 Gati­bu­ko kideekin abestuko dituzte:  Bang-bang txiki-txiki bang-bang eta Zeu, zeu, zeu! abestiak.