Gazteak dira, festa jartzeko amorratzen daude; irrikaz. Musika eskolako ikasleak; gehienak donostiarrak, eta bat hernaniarra: Aitor Sesma, tronpeta jolea. Diskoa atera berri dute, 6 kantarekin. Kalean «gazteen artean ohizkoak diren» kantak egokitu dituzte, txarangarekin jotzeko, eta diskoa grabatu dute. Salgai dago, Hernaniko Musika Eskolan, 5 euroan.
Fanfarre festibalean, Bigarren Saria
Musika eskolan urteak daramazkite The Joselontxo’s Txarangako kideek, eta beraz, ondo ezagutzen dute terrenoa 17 taldekideek. Joan den urtean, Donostiako Fanfarre festibalean Bigarren Saria irabazi zuten, eta aurten ere presentatzekoak dira. Beraiek konposatzen dituzte kantuak, txarangak jo ahal izateko, eta dagoeneko badituzte bi zita garrantzitsu, aurtengo udararako: Lesaka eta Iruñeako San Ferminak; egun batean batera eta bestean bestera. 2008an hasitako talde honek gazteentzako musika jotzen du, txarangarako egokitua. «Tabernan entzuten direnak: rocka, ska...».
Sesma: «Rocka eta Heavya gustatzen zait»
Aitor Sesma hernaniarrak 19 urte ditu, eta 10 daramazki, tronpeta jotzen, Hernaniko Musika Eskolan. Urnietako Boskoa txarangan jotakoa da, eta gaur egun BH Roja taldean ere ari da, tronpeta jole gisara. Musika klase guztiak omen ditu gustoko, baina batez ere rocka eta heavya. «Gustoko, gustoko... musika mota guztiak; baina batez ere, rocka eta heavya. Horiek jotzen ditugu guk, txarangarentzat egokituta».
Grabazioa, Ereñotzun
Ereñotzun grabatu du diskoa The Joselontxo’s Txarangak, Pello Gorrotxategiri eskerrak eman dizkiote grabazioan laguntzeagatik.