emaitza bikainekin itzuli ziren asteburuan Hernaniko igerilariak Ordiziatik. Udako Partaidetza Saria jokatu zen bertan, eta Hernaniko hamahiru igerilarik hartu zuten parte, hiru maila ezberdinetan: infantiletan, juniorretan eta seniorretan. Guztiek irabazi zuten dominaren bat, eta guztira, 20 lortu zituzten: 12 urre, 5 zilar eta 3 brontze. Infantiletan, A kategorian, honela banatu zituzten dominak: Ibargoyenek zilarra lortu zuen 200m libretan eta 1go postua 50m libretan; Sarasua 3garrena izan zen 100m libretan; Usandizaga 1goa 100m lau estilotan eta 50m tximeletan; eta Arenales 2garrena 100m lau estilotan eta 3garrena 100m libretan. Juniorretan eta seniorretan berriz, B Kategorian, Mujika 1goa izan zen 200m libre eta 50m libre probetan; Huizi ere 1goa izan zen 100m bular eta 200m lau estilotan; eta postu bera eskuratu zuen Ezeizak 100m lau estilo eta 50m libre probetan; Sañudok 1go postua lortu zuen 100m lau estilotan eta 2garrena 50m libretan; eta azkenik Gartziak 2garrena 100m lau estilotan eta 3garrena 50m libretan. Sailkapenak orokorretan hartuta berriz, Ezeiza hernaniarra izan zen nesketan onena; eta mutiletan, Huizi hernaniarra ere lehenengo geratu zen, eta Mujika bigarren.
Taldeka ere, bikain
Azkenik, taldeka, sailkapen orokorrean, mutilak aurrenekoak izan ziren, eta neskak hirugarrenak.