Ekitaldiz bete-betea gaur Ereñotzu, San Antonio Egunean

Jaien barruan, egun haundia dute gaur Ereñotzun: San An­to­nio Eguna. Eta hori horrela, ikus­kizun eta ekitaldiz bete-be­tea izango da gaurko eguna.  Has­­teko, meza izango da, 08:00e­tan eta 10:30etan (Meza Nagusia).
Eguerdiko 12:30etatik aurre­ra, ez da girorik faltako. Ordu horretan, herri kirolak izango dira plazan. Aiz­ko­ran, Fausto Mugerza eta Jon Bel­tza ariko dira. Haimar Iri­goien eta Agus­tin Landarbide, be­rriz, harri jasotzen. Ondo­ren, Jexux Mari Irazu eta Sus­trai Colina bertsolarien lehenengo emanaldiaz gozatzeko aukera izango da.
Arratsaldean, 18:00etatik au­rrera, Euskal Jaia izango da: to­ka, sagardoa, trikitixa... Eta bertsolarien bigarren saioa.

Afariko txartelak, 20 euroan
Eguna ondo bukatzeko, afari herrikoia izan­go da plazan, bakarrizketek girotuta. Txar­te­­lak Ur Mia elkartean dau­de salgai eta 667 664 424 telefonora deituta ere erreserbatu daitezke. Prezioa: 20 euro.

Sagardoa eta bertsoa, atzo
Atzo sagardo probaketak eta bertso jaialdiak jarri zuten gi­roa. Hernaniko eta inguruko 7 sagardo probatzeko auke­ra izan zen, txorixo pintxoak la­gunduta. Ber­tso­tan berriz, plaza bete zen; izan ere, punta-puntako bertsolariak aritu ziren: Maialen Lujanbio, Aitor Mendiluze, Unai Agi­rre, Unai Iturriaga eta Beñat Gaz­telumendi. Atzokoan Jo­xe Agirre bertsolariak ezin izan zuen jaialdira joan, urtero ohi bezala, eta omenaldi txiki bat egin zioten, bakoi­tzak bertso bana kantatuz.

GAURKO EGITARAUA:
12:30, Herri kirolak, plazan. Hizlaria Sarasola. Aizkoran Fausto Mugerza eta Jon Beltza. Haimar Irigoien eta Agustin Landarbide harri jasotzen.
Ondoren, Jexux Mari Irazu eta Sustrai Colina bertsolarien 1go emanaldia.
18:00, Euskal Jaia: toka, sagardoa,
trikitia…
Ondoren, bertsolarien bigarren saioa.
20:30, Afari herrikoia plazan. Girotzeko ‘Bakarrizketak’ euskaraz Ione Gorrostazu, Olatz Etxeberria eta Mailu Arrutirekin.