Zazpi sagardoren probaketa goizean, eta bertso saioa arratsaldean, festa giroan murgiltzeko

san antonio jaietan murgilduta daude ereñotzuarrak, eta gaur dute ospakizunetako hi­­­rugarren eguna. Bi ekitaldi na­­gusiak goizean eta arratsaldean banatu dituzte: goizeko 11:30e­tan sagardo probaketa egingo da, Ur Mia elkarteak an­to­latuta. Zazpi sagardo izango dira aukeran, Plazan: Elutxeta, Iparra­gi­rre, Elorrabi, Otsua-Enea, Olai­zola, Goiko Lastaola eta Larre-gain. Arratsalderako be­­rriz, punta-puntako Bertso Jaialdia antolatu dute: Maialen Lujanbio, Unai Iturriaga, Unai Agirre, Aitor Mendiluze eta Beñat Gaz­telumendi. 19:00etan hasiko da jaialdia, Plazan baita ere. Bi ekitaldi horiez gain, diana, trikitilariak, dantza erakustaldia eta jaietako errifen zozketa ere antolatu dituzte gaurko.

Herri kirolak eta Euskal Jaiak, San Antonio egunean
Festetako egun haundia biharkoa da, eta egitarauari erreparatuz ge­ro, izango da zaindariaren egu­na zerekin ospatu. Goizean herri kirol erakustaldia egingo dute Plazan. 12:30etan hasita, aiz­koran, ariko dira Mugerza eta Beltza; eta harria jasotzen Irigoien eta Landarbide. Arra­tsaldean berriz, toka, sagardo eta trikitilariekin Euskal Jaiak os­patuko dituzte. Eta noski, San Antonio egunean ere, ez da ber­tso saiorik faltako: bi saiotan, goizez eta arratsaldez, Irazu eta Colina bertsolariak ariko dira.

Pelota partiduak, jaiak bukatzeko
Jaiei bukaera Ugaldetxon emango diete etzi: hiru pelota partidu jokatuko dituzte. On­doren, Lasarte, Iurramendi, Azpiroz eta Gaztelumendik bertso saioa eskainiko dute; eta azkenik toka txapelketa eta Kupelarekin dantzaldia izango da. Jaiak suzirien jaurtiketekin agurtuko dituzte, aurten ere.

Umeak protagonista, atzo
Atzo, txikienek ez zuten as­per­tzeko aukerarik izan. Goizean goizetik puzgarriak izan zituzten eta arratsalde partean, mo­zorro festa eta txokolatada. Horrez gain, Bola Txa­pel­ke­ta izan zen atzo. Honakoak emai­tzak: Migel Arrospidek 37 brila, Andoni Berasategik 37, Nikolas Igarzabalek 37, Martin Retegik 36, Leandro Minerrek 35, Migel Burugainek 35, Antonio Minerrek 34, Ibon Minerrek 34 eta Joxe Ugaldek 29. Atzoko tiraldiarekin Herna­ni mailako txapelketa hasi da eta sailkapena honakoa da, oraingoz: Migel Arrospide, Lean­dro Miner, Migel Buru­gain, Antonio Miner, Ibon Mi­ner eta Joxe Ugalde. Beste bi tiraldi gehiago izango dira: ekainaren 19an, Goiz Eguzkiko bolatokian eta ekainaren 25ean, Benta Berriko bolatokian. Azken hori, San Joan Jaietako tiraldia ere izango da. Toka Txapelketa ere jokatu zen atzo. Antonio Amundarain izan zen onena, 14 jota. Biga­rrena, Karlos Irastorza 13rekin, hirugarrena, Prudentzio Olano 13re­kin eta laugarrena, Eduar­do Alvarez 12rekin. Lehenengo ereñotzuarra Pedro Oiarbide izan zen 9 jota.

EKAINAK 12, IGANDEA
GOIZEZ:
08:30 Hernaniko txistulariekin diana.Trikitilariekin kalejira.
11:30 Sagardo probaketa, Ur Mia elkarteak antolatuta, plazan. Sagardote­giak: Elutxeta, Iparragirre, Elorrabi, Otsua-enea, Olaizola, Goiko-Lastaola eta Larre-gain.
ARRATSALDEZ:
19:00 Bertso Jaialdia: Maialen Lujanbio, Unai Iturriaga, Unai Agirre, Aitor Mendiluze eta Beñat Gaztelumendi.
Ondoren, jaietako errifen zozketa.
EKAINAK 13, ASTELEHENA: SAN ANTONIO EGUNA
GOIZEZ:
12:30 Herri kirolak, plazan. Hizlaria Sarasola. Aizkoran Fausto Mugerza eta Jon Beltza. Haimar Irigoien eta Agustin Landarbide harri jasotzen.
Ondoren Jexux Mari Irazu eta Sustrai Colina bertsolarien lehenengo emanaldia.
ARRATSALDEZ:
18:00 Euskal Jaia: toka, sagardoa, trikitia…
Ondoren Jexux Mari Irazu eta Sustrai Colina ber­tsolarien bigarren saioa.
20:30 Afari herrikoia plazan. Afaria girotzeko ‘Bakarrizketak’ euskaraz Ione Gorrostazu, Olatz Etxeberria eta Mailu Arrutirekin.
EKAINAK 14, ASTEARTEA: UGALDETXON FESTA
ARRATSALDEZ:
17:00 Pelota partiduak Ugaldetxoko frontoian
Ondoren Arnaitz Lasarte, Oier Iurramendi, Asier Azpiroz eta Unai Gaztelumendi bertsolarien emanaldia.
19:00-20:00 Toka Txapelketa.
20:30 Kupelarekin erromeria.
Jaiei amaiera emango zaie suziriak jaurtiz.