San Joan Jaien barruan, haurrentzako Karabina Txapelketa antolatu du Txantxangorri elkarteak, ohi bezala, Miguel Olloren omenez. Kanporaketa ekainaren 18an, hau da, datorren larunbatean izango da, 18:00etan, elkarteko lorategian eta izen ematea zabalik dago. Izena, 10-16 urte arteko neska-mutilek eman dezakete, elkartean dagoen zerrendan. Finala ekainaren 23an izango da. Sari garrantzitsuak izango dira. Lehenengoak, esaterako, karabina bat irabaziko du.
Ehiza Txakur Lehiaketa
Ekainaren 19an, berriz, Ehiza Txakur Lehiaketa izango da, herritarra eta probintziala. Urnietako Xoxoka zelaian izango da goizeko 09:00etatik aurrera. Parte hartzeko izena, 08:30etatik 09:00etara eman beharko da.