Banakako Txapelketa Nagusia abuztuan jokatuko da, eta Oriamendi enpresak txapelketa hori jokatzeko aukera eman die hemeretzi erremontistei. Asteazkenean aurkeztu zuten Kutxa Sariko prebia, 19 erremontistekin, eta partiduen egutegia eman zuten. Txapelketa eskailera formatuan jokatuko da, eta lau taldetan egongo da banatuta. Lau taldetako buruak pasako dira final laurdenak jokatzera. Final laurdenetako bi onenak berriz, finalerdietara pasako dira. Eta azkenik, Prebiako erremontista onenak lortuko du Banakako Txapelketa Nagusia jokatzeko pasea.
Urko eta Urrutia IIa gaur,
aurrez aurre
Prebiako aurreneko partidua gaur jokatuko da, Galarretan: Urko eta Urrutia IIa izango dira aurrez aurre. Eskailerako talde honetan, irabazleak Oñatzen kontra jokatuko du hurrengo partidua; hirugarren partidua Urtasunen kontrakoa izango da; eta eskailerako azkenekoa, final laurdenetakoa, Olazarren kontrakoa izango da.
Bigarren partidua asteartean jokatuko da, Barrenetxea IV eta Matxin VIaren artekoa. Talde honetan, Agirresarobe izango du irabazleak zain; final zortzirenetan Jon sartuko da ligillan, eta final laurdenetan Matxin IV.
Hirugarren partidua berriz, ostegunean jokatuko da, Zulaika eta Zubiriren artean. Eskaileran zain izango dituzte Matxin IIIa lehendabizi, Etxabe II ondoren, eta Uterga bukaeran.
Azkenik, laugarren partiduan Aizpurua eta Agirrezabala izango dira aurrez aurre. Talde honetan, zain izango dituzte Endika lehendabizi, eta Juaristi ondoren.