Hamaikabat alderdiak prentsa ohar bidez azaldu du, Gobernu Taldeak eta Ezker Batuak adostu dutela 90.000 euro gutxiago bideratzea, Ongintzara. «Diputazioak Zaharren Egoitzarako diru gehiago eman duela aprobetxatuz, hain zuzen, 184.079,60 euro, Udalak Ongintzari diru gutxiago ematea erabaki dute, uste baitute 90.000 euro horiek ez direla beharrezkoak patronatuan», azaldu du Iñaki Arratibel H1! alderdiko bozeramaileak. Dena dela, larriena, diru horren erabilera dela azpimarratu du Arratibelek: «Ezker Abertzaleak, lehen ANVk eta orain Bilduk, Ezker Batuaren babesarekin erabaki du, Ongintzari kendutako dirua trafiko seinaleak erosteko eta ibilbide publikoaren mantenurako erabiltzea. Broma dela dirudi, baina ez da. Trafiko aldaketak utzi duen zuloa Ongintzako diruarekin tapatuko da».
«90.000 euroak beharrezkoak dira Ongintzan»
Arratibelek dio Ongintza ez dela Zaharren Egoitza bakarrik, «etxez etxeko laguntza dago, Eguneko Zentrua eta beste hainbat zerbitzu». Hori horrela, Hamaikabat alderdiaren ustez, «90.000 euro horiek beharrezkoak dira Ongintzan eta trafiko antolaketa berriak utzitako zuloa, hain beharrezkoa ez den beste arlo bateko diruarekin tapatu beharko litzateke».