Ereñotzuko San Antonio Jaiak gaur hasiko dira kanpai zaratatsuen hotsekin eta suziriak jaurtita. Hori arratsaldeko 20:00etan izango da, baina aurretik, 15:30etan, Txirrita ikastetxeko ikasleek kurtso bukaerako jaialdia egingo dute.
Autobusa, doan
Behin suziriak botata, poteo herrikoia egingo da eta gauean, 00:30etatik aurrera kontzertuak izango dira: Kerobia, Despervicio (The Zeporen ordez) eta Gaueko itzalak.
Bestalde, autobus zerbitzua egongo da ostiral eta larunbat gauean, doan: Hernanitik (Zinkoenea) Ereñotzura, 00:00etan eta 03:00etan, eta Ereñotzutik Hernanira, 00:30etan, 03:30etan eta 07:00etan.
Eskerrak bildutako diruagatik
San Antonio Jaietako egitarauak banatzearekin batera diru bilketa egiten da Ereñotzun, etxez etxe, eta bertatik eskerrak eman nahi dituzte, 3.501 euro jaso dituztelako dagoeneko. Oraindik dirua ematen ari da jendea eta jakinarazi dutenez, norbaitek nahi badu, kontu honetan ere egin dezake ekarpena: 3035 0025 88 0250035973.
Gaurko egitaraua
15:30etan, Txirrita ikastetxeko
ikasleen kurtso bukaerako jaialdia, Txirrita ikastetxean.
20:00etan, Festen hasiera kanpai zaratatsuen hotsez eta suziriak jaurtiz.
Ondoren, poteo herrikoia.
00:00etan, Denok plazara!
00:30etan, kontzertuak: Kerobia,
Despervicio eta Gaueko itzalak.