Auzitegi Nagusiak bertan behera utzi du, merkataritzako ontziak erosteko kautelazko neurria

Euskal Autonomia Erki­de­goko Auzitegi Nagusiak bertan behera utzi du Do­nos­tiako Auzitegiak Her­na­­ni­ko Udalaren aurka ja­rrita­ko kautelazko neu­rria, mer­katari­en hon­da­ki­nak atez ate biltzeko ontzi­ak eros­tea­ri dagokionez. Do­nos­tiako Uda­lak aurkeztu­tako sala­ke­ta medio hartu zuen era­bakia Donostiako Auzite­giak 2010eko maia­tza­ren 4an.  Horren aurre­an hele­gitea jarri zuten Her­naniko Udalak eta San Marko Man­komunitateak eta helegite ho­rren ebazpe­na izan da Auzi­tegi Nagu­siak eman due­na, hau da, kautelazko neurria bertan behera uztea epai definiti­boa iritsi bitar­tean.

Ezin kabalak egin
Orain dela hiru aste ere, Auzitegi Nagusiak bertan behe­ra utzi zuen Donostia­ko Auzitegiak Hernaniri ja­rri­tako beste kautelazko neu­rri bat; kasu horretan, honda­kinak biltzeko kon­pe­tentzien gainekoa. Hori ho­rre­la, Ma­rian Beitiala­rran­goitia Alka­teak adiera­zi du, aurreko ebaz­­penean bezala, berriro Uda­laren he­­­le­giteak egin due­la aurre­­­ra eta Auzi­tegi Nagu­siak ez dituela ain­tzat har­tu Atez Atekoa gel­di­tze­ko asmoz jarritako hele­gi­teak. Alkateak gaine­ra­tu due­­nez, «epaileek be­rai­ek, Do­nostiako Udalari arin­ke­riaz jokatzea egozten diote, esa­ten baitiote kaute­laz­ko neu­­rriak eskatzeko orduan ezin direla kabalak egin».