Zaharren Egoitzako eraikin berria bi hilabete barru martxan izatea espero du Udalak

Zaharren Egoitzako erai­kin berria ia prest dago, guz­tiz martxan jartzeko. Zaha­rren Egoitzako lehenengo eta bigarren pisuko zenbait altzari falta dira; hirugarren pisua, berriz, guztiz osatua dago. Eguneko Zentrua eta apartamentu tutelatuak ere prest daude. Eta hori guztia ikusteko aukera izan zuten atzo herritarrek, Udal ordez­karien eskutik. Izaskun Ezei­za, Ongintzako Lehen­daka­riak azaldutakoaren arabera, pare bat hilabete barru guztiz martxan jartzea espero dute. Horretarako, Diputazioak az­ken onarpena ematea falta da. Ezeizak gaineratu zuen, Udalaren helburua bete dela. Aurkezpen ekitaldian egun­­go Udal ordezkariak izan zi­ren, besteak beste, Ma­rian Beiti­a­larrangoitia Alka­tea, Izas­­kun Ezeiza Ongin­tza­ko Lehendakaria, Joxe Leon Etxart Ongintzako teknikaria, Andoni Amonarraiz zinego­tzia... eta Gobernu Talde be­rria osatuko duten Bildu koa­lizioko hainbat ordezkari. Ho­rien artean izan ziren Luis Intxaus­pe Alkategaia eta Glo­ria Men­­dinueta Ongintzako Lehendakaria izango dena, Ezeizaren ordez.