14 garagardo aukeran bihartik igandera, Atsegindegi plazan

Urteroko hitzorduari hu­tsik egin gabe, Hernaniko errug­bi elkarteak VIII. Gara­gar­do Azoka antolatu du. Bihar irekiko ditu ate eta kaineroak eta igandera bitarte ga­­­ragardo ezberdinak probatu eta halako azoketan ohikoa den janaria jateko aukera izan­go da, Atsegindegi plazan. Azokaren irekiera ekitaldia bihar, arratsaldeko 20:00e­­tan izango da, neska taldearen aurkezpenarekin. Izan ere, nesken taldea izango da datorren denboralditik aurrera, senior mailan.

14 garagardo
Guztira 14 garagardo izango dira aukeran: Paulaner Org. Munchner, Paulaner Salva­tor, Paulaner H.W., Affligem Blond, Affligem Dubbel, Gui­nness, Murphy Roja 2006, Amstel Oro, Amstel, Maes, Heineken, Buckler, Cruzcampo eta Newcastle. Garagardoaz gain, ukondoa, saltxitxak eta euskal oilaskoa jateko aukera izango da, patata purearekin.

Bihar, gaueko 00:30ak arte, afariak
Ordutegiari dagokionez, bihar eta ostiralean afaltzeko orduan egongo da zabalik Garagardo Azoka, hau da, arratsaldeko 19:00etatik gaue­­ko 00:30etara. La­run­­ba­­tean eta igandean, be­rriz, afaltzeaz gain, bazkal­tzeko aukera ere izango da. Larun­bateko ordutegia, ho­na­koa da: eguerdiko 12:30e­tatik goizaldeko 01:00ak arte. Igandekoa, be­rriz, ondorengoa: eguerdiko 12:30etatik gaueko 22:00ak arte.