Irati Sarasua Arabaolaza
Zahartzaroa bizitzaren garai garrantzitsua izaten da. Besteen laguntza behar izaten denean, askok karga moduan sentitzen dute euren burua, eta garrantzitsua da garai horretarako prestatzea. Egoera animiko horiei aurre egiten laguntzeko sortutako taldea da Lahar Eskuhartze Psikosozialerako Elkargoa. Laharrek Hernaniko Zaharren Egoitzan eta Jubilatu etxean lan egiten du ekintzak eginez.
Hernaniko Osasun eta Gizarte Ongintzarako Udal Patronatuak adineko pertsonei zuzenduriko bi zerbitzu ematen ditu, elkarte honen bidez:
1) Zaharren Egoitzan, eskuhartze psikosozialeko zerbitzua.
2) Jubilatu etxean, osasun eta ongizaterako proiektua.
Zaharren Egoitzan egiten diren ekintzen helburua da, adineko pertsonen beharrak asetzea, eta ongizatea eta bizi kalitatea hobetzeko zerbitzuak ematea. Horretarako, besteak beste, ondorengo arloak hartzen dira kontuan: osasuna eta ongizatea, alderdi fisikoak, psikologikoak, aisialdikoak eta kulturalak.
Helduei proba psikologikoak burutzen zaizkie urtero, euren egoera ezagutzeko, eta Lahar Elkargoak eskuhartze psikosoziala, prebentzioa eta formakuntza eskaintzen ditu
Jubilatuen etxeko ekintzak Goiz Eguzki Hernaniko Gizarte Zentruan burutzen dira. Proiektuaren helburu nagusia prebentzioan lan egitea da, alegia, berekasa ondo moldatzen diren helduei laguntzea, zahartzaroarekin lotutako zenbait arazo ebitatzen: depresioa, berekasa ez moldatzeko bildurrak... Ekintza ezberdinak eginez ongizatea, banakako autonomia, aukeratzeko gaitasuna, bizitzako egoerak gainditzeko gaitasunak eta norbanakoaren zaintza sustatzen dira.
Egiten diren ekintzak, honakoak: gimnasia, koordinazio ariketak, erlajazioa, prentsa irakurri, psikoestimulazio ariketak, memoria entrenatu, bingoa, eskulanak...