Azpirozek gaur kantatuko du Zumarragan, eta Bigarren Fasera sartzeko aukerak ditu

Asier Azpirozek gaur kantatuko du Zumarragan, Gi­puzkoako Txapelketako Le­he­nengo Faseko azken saioetako batean. Azpirozek puntu de­zente ditu pilatuta, eta berez, hurrengo fasera pasatu beharko luke, aurreko saioko maila bera ematen badu. Saioa, 11:30etan da Zelai Arizti aretoan.

Bigarren Fasea irailean ha­siko da, eta 32 bertsolari pa­sako dira, Lehenengo Fasetik. Hernaniko Bertso Eskolako bi kide pasa dira, dagoeneko: Agin Rezola (lehenengo postuan oraingoz) eta Unai Gaz­telumendi (zortzigarren postuan). Iker Osak ere aukera dezente ditu pasatzeko (gaurko saioen faltan, 26garren pos­tuan dago). Arnaitz La­sar­tek aukerarik ez du, dagoeneko.

Faborito nagusiak, aurrera
Lehenengo Fase honetan, baziren faborito batzuk hurrengo fasera pasatzeko, eta ia denek aurrera egingo dute, ezustekorik ezean: Jokin Uranga, Iñigo Eizagirre, Nahikari Gabilondo, Beñat Lizaso, Iñaki Apalategi, Ander Lizarralde, Ibai Esoain, Nerea Elustondo... Faborito potoloagoak, hurrengo fasean sartuko dira, irailetik aurrera.

Lehenengo fasea - Azken saioa

• Asier Azpiroz: GAUR -11:30- Zumarraga - Zelai Arizti aretoa.
  

Orain arteko emaitzak

• Agin Rezola - Sailkatua
• Unai Gaztelumendi - Sailkatua
• Iker Osa - Sailkatzeko postuetan
• Arnaitz Lasarte - Aukerarik ez