Oindiko malkarretan, zein baino zein

Inskripzioa ostiralean itxi zuten; 200 lagun apuntatuta, ez dago gehia­go­ren­tzat auke­rarik. Ereñotzuko Au­rre­neko Mendi Lasterketak ikusmin haundia piztu du, eta gaur, neurriko espektakulua izango da, Oindiko malkarretan.
Goizeko 10:00­etan joko dute lehenengo esprina korri­kalariek, Ereño­tzutik Pikoa­ga­ko zentralera bidean. Handik Oindiko bidea hartu, eta: Zu­lue­ta, Zuluetako gaina, Oin­di­ko bi tontorrak, Mu­nixko, Le­pa Txiki, Usate­gieta, Gerni­ka­ko Arbola, Fa­go­llaga eta Ere­ño­tzu. 12,7 km, gogorrak be­zain ederrak, ikusle eta korri­ka­larien gozamenerako. Oindi mendiak 549 metro ditu, eta Ereñotzun 43 metrotik abia­tu­ko dira. Desnibel pilatua, 630 metro; bide gehiena pistan, eta zailtasun teknikorik ez. Saltsa piztu du lasterketak, Ereño­tzu, Hernani eta inguruan ko­rrika ibiltzen den jendea­ren­gan, eta aseguratua dago festa; baita animatzaileen aldetik ere.

San Antoniotako preludioa
Datorren astean dituzte festak Ereñotzun, baina hasi, gaur egingo da jende-mugimendua.  Dena prest dute antolatzaileek, eta gaur 50 lagun inguru ariko dira lanean, dena ondo atera dedin. San Antonioen prelu­dioa, inondik inora, gaur izan­go dute Ereñotzun.

Antolatzaileek deia,
kotxea konpartitzeko
Antolatzaileek bi mezu zabal­du nahi izan dituzte proba au­rre­tik. Batetik, kotxea kon­par­titzeko, auzoan pilake­ta­rik izan ez dadin. Bestetik, eske­rrak eman dizkiote laguntzen aritu diren guztiei, eta sariak jarri dituzten denda guztiei; bereziki Ibai-Mendiri, egin duen ahaleginagatik.