atzo umeek ekin zioten festari, eta gaur zaharrak gogoratuz hasiko dute eguna, Osiñagan. 20 urtez ari dira festak antolatzen auzoan, eta ez dira kamustu; egunotako irudia ikusi besterik ez da, horretarako: generazio guztiak batean ibili baitira. Gaur auzokoak eta helduak gogoratzen hasiko dute eguna. Eguerdi partean, 1943an jaiotako Arantxa Altuna Perropa (Lepa-Txiki) baserrikoa eta Nikolas Goikoetxea Elorrabikoa omenduko dituzte, eta plaka bana emango zaie. Indarrak pelotan botako dituzte, helduek, eta apurrik geratzen bazaie, auzotarren trikiti emanaldia dute, bazkal aurretik. Giroa jartzen, egun guztian, Peña eta Telleria bertsolariak, eta Xapre eta Furriela trikitilariak.
Desafioa, gazteek
Imanol Paolla eta Mikel Azkonetak irabazi zuten atzoko desafioa, aizkoran, txingan, eta korrika. Jon Larrañaga Larra eta Joxe Mari Miñei 25 segundu ingurura ibili ziren proba gehienean, eta azkeneko momentuan soilik lortu zuten inguratzea, 5 segundu ingurura. Ez zuten nahikoa izan, ordea. Gazteak nagusi.
Desafioak bakarrik ez, atzo ekitaldi guztiek bildu zuten jendea Osiñagan. Bakailo eta sagardo probaketan, Laiotzen dantzaldian, auzotarrek 20 urtez bezala bete zuten atzo ere, Arriatsu.
GAURKO EGITARAUA
- Egun osoan: XAPRE trikitixa taldea giroa alaitzen.
- 12:00: Auzokoak gogoratuz beheko zubian.
- 12:30: Helduen arteko pelota partiduak.
- 13:00: Auzoko trikitilarien saio berezia.
- Ondoren: Telleria eta Peñagarikano bertsolariak.
- 14:00: Herri bazkaria Arriatsun.
- 18:00: Abere dema ikusgarria: Imanol `Paollaren´eta Azkonobietaren zaldiak. 800kg harriarekin.
- Eta gainera...
Auzoko baserri eta etxeen argazki erakusketa.